Lúmsk lokahola. Þrátt fyrir að vera aðeins um 150 metrar að lengd þá er hækkun frá teig að flöt það mikil að kylfingar vanmeta oft lengdina og ná ekki yfir grjótgarðinn sem skilur flötina frá brautinni.

Næstlengsta braut vallarins með tveimur glompum sitthvoru megin við brautina. Flötin er upphækkuð og á tveimur pöllum auk þess að vera varin af myndarlegum hól vinstra megin og glompu hægra megin.

Lengsta og jafnframt ein skemmtilegasta braut vallarins. Brautin liggur í sveig til hægri meðfram sjónum. Möguleiki er að taka áhættu og slá þvert yfir víkina en sé höggið of stutt endar það í sjónum.

Stutt en skemmtileg par 3 braut. Flötin er byggð upp í hlíðina sem þýðir að allir boltar sem fara vinstra megin við flöt enda langt fyrir neðan flötina og á þá kylfingur eftir erfitt innáhögg. Jafnframt er flötin varin af tveimur glompum.