Þá er formlega lokið sumrinu hjá okkur í Keili. Í dag miðvikudaginn 16. nóvember var fært af sumarflötun og inná vetraflatir á Hvaleyrinni og Hraunvellinum hefur verið lokað fyrir golfleik. Nú er ekkert annað enn að bíða eftir vorinu sem vonandi kíkir á okkur snemma á 50 ára afmæli Keilis. Enn einsog Keilisfélagar ættu að vita [...]

Þjálfunarleiðin í golfi hefst þriðjudaginn 8. nóvember. Hægt er að velja að æfa kl. 19:00 eða kl. 20:00. Æfingar eru 15 talsins í vetur. Hver æfing er 50 mín. að lengd. Fimm æfingar verða fyrir áramót og tíu æfingar eftir áramót. Það verða einnig jólapúttmót, golfreglukvöld  og leikur í golfhermi í boði. Verð er 40.000 kr.- [...]

Karl Ómar Karlsson hefur verið ráðinn íþróttastjóri Keilis frá og með 1. nóvember. Hann mun hafa yfirumsjón með allri þjálfun barna, unglinga, félagsmanna og afrekskylfinga Golfklúbbsins Keilis. Karl Ómar er menntaður PGA golfkennari en hann lauk HGTU golfkennaranámi frá Svíþjóð árið 2003. Hann hefur sótt ýmis námskeið á vegum norsku og sænsku golfkennarasamtakana ásamt því að koma að ýmsum verkefnum, þjálfun og kennslu og liðstjórn fyrir Golfsamband Íslands. Í vor gaf Karl Ómar og fræðslunefnd GSÍ út leiðarvísi fyrir golfklúbba. Leiðarvísirinn hefur þann tilgang að leggja grunninn að uppbyggingu á þjálfun og kennslu og skipulagi í barna- og unglingastarfi í golfklúbbum. Einnig er Karl Ómar í golfskólanefnd PGA sem er að fara af stað með nýtt golfkennaranám á Íslandi árið 2017. Karl Ómar eða Kalli og hann er kallaður hefur starfað sem grunnskólakennari og golfkennari frá árinu 1993. Árin 2005 til 2013 var Kalli íþróttastjóri Golfklúbbsins Leynis á Akranesi. Árin 2000 til 2005 starfaði Kalli sem PGA headpro hjá Eiker og RE golfklúbbunum í Noregi. Björgvin Sigurbergsson sem starfað hefur sem íþróttastjóri Keilis undanfarin ár heldur áfram sínum störfum sem yfirþjálfari  Golfklúbbsins Keilis. Golfklúbburinn Keilir vill bjóða Kalla velkominn til starfa og óska honum velfarnaðar í starfi.

Enn eitt golfsumarið hefur runnið sitt skeið á enda. Veðrið lék við okkur í sumar og kylfingar voru mjög duglegir að nýta golfvellina. Mótahald var einnig mjög blómlegt og má t.d. nefna að á tímabilinu 1. maí til 30. september voru 1.457 mót skráð í mótakerfi golf.is. Af þeim má ætla að ríflega 800 hafi verið [...]